 放大圖片
文：陳 任 圖：伍麗明
多年前，偶爾會到堅尼地城一家很古老的酒樓光顧，店名曰：中華酒家，第一次去還是早已仙逝的岳父帶同吾等一家大小同往；那位經理當時語吾等：「我地間舖三十幾年歷史蕂喇……」一眨眼十數載又過去，現在豈不是已經有五十年歷史？
店子雖可「發思古之幽情」，可惜食品水準普普通通，光是懷舊，吸引力終究有限，菜式唔掂，很難會驅使自己經常前往光顧，果爾幾年過去，已經把這家店子淡忘，特別是岳父辭世之後。
日前友儕召飯，來電曰：「我地去堅尼地城『新中華』一起敘敘，如何？」下？多年不見，「中華」變了「新中華」，全部重新裝修過，是以易名；據說店子經常「人頭湧湧」，自己心忖：「唔通搵野大有進步？」可惜再試之下，水準更不復從前，媽媽咪，除了懷舊之外，它還有啥賣點？
後來終於豁然開朗，一言以蔽之，菜式夠平之故，吾等一行八人，點菜點到滿坑滿谷，埋單結數唔使一張金牛，僅九百餘耳，真係平到笑。
菜式盡皆普普通通，做得也只是不過不失，不過其中一道「蜜瓜蜜豆炒魚崧」，倒還有點新意。
一、材料
■蜜瓜（切片），一百六十克約四襾
■蜜豆，亦一百六十克約四襾
■鯪魚肉（剁碎），八十克約二襾
■紅椒（切片），一隻
■薑、蔥，各少許
■蒜頭（切片），四粒
■蠔油、鹽、糖、水、生粉，各適量
二、做法
■少油起鑊，煎香剁碎鯪魚肉，瀝乾，再切片，備用
■用熱水把蜜豆飛水，至六成熟，瀝乾備用
■少油起鑊，爆香薑、蔥與蒜片，再下魚崧同炒，隨下蜜瓜與紅椒一起炒，調味，埋薄芡，便可上碟。
|
放大圖片
