 放大圖片
【本報訊】（記者 寧寧）樂壇吹淡風，唱片市場嚴重萎縮，但對英皇娛樂的林峰來講似乎影響不大，他首張唱片銷量佳，第二張大碟快速面世，名為《YOUR LOVE》的第二張大碟首批過萬張迅速售罄後，前日加推第二版過萬張，為此林峰興奮地說︰「第一版我自己訂了一百隻，諗住送畀朋友，都冇貨畀到我，原來賣晒冇貨，真係好開心，估唔到第二隻碟仲好賣過第一隻，好多謝一直以來支持我的歌迷，遲些會舉行祝捷會慶祝！」他坦言︰「除戲劇之外，音樂上我都好想有多些肯定，因為我真係花了很多心機落去唱歌。」
有說唱片銷量佳TVB都幫他唔少，他說：「當然，配合劇集推出對銷量一定有幫助，TVB一向都好惜我﹗」前日林峰特意抽空於傍晚時分親到銅鑼灣唱片舖舉行新碟簽名會答謝歌迷支持，期間吸引逾百歌迷及途人圍觀，場面墟冚，林峰透露忙完新碟宣傳後，十月初會離港到內地拍攝內地劇集搵真銀，笑問到不擔心離港後影響人氣TVB台慶「視帝」寶座被搶嗎？他笑說︰「咁我都要搵錢，儲定老婆本呀，總之台慶我一定會出席。」
|
放大圖片
