|
【本報訊】（記者 寧寧）呂良偉相隔一段時間沒有在港拍劇，剛回巢TVB拍四十集長劇《金錢誘罪》就惹是非，被雜誌指他經常離隊出外吃飯，自備服飾又不配合劇情，還教同劇演員做戲阻礙進度，甚至連劉兆銘都要向監製投訴他。阿呂不忿遭抹黑，不想觀眾受影響，決定出面澄清事實，以保個人聲譽。
阿呂謂：「真係好過分，簡直莫名其妙，我又無得罪人，報道根本唔係事實。香港一些傳媒可唔可以唔好咁樣踩藝人，再踩藝人只會令已萎縮的香港市場更加差。」
他逐一澄清當中的指責，他謂大家都知道放食飯只有一小時，所以他拍劇以來，每次放食飯都會在公司餐廳用餐：「有數得計，由將軍澳電視城駕車去福臨門，來回最少一個鐘，趕頭趕命咁點食？我從來都無出過去食飯，次次都係同一班演員一起。」自問一向與演員相處融洽，沒料卻被指離群。
提及銘sir不滿他，阿呂曾與銘sir通過電話，銘sir都說：「有無搞錯？」銘sir在他讀訓練班時教他做戲，彼此感情很好。
至於自備私伙衫褲不合劇情，阿呂無奈地說：「呢個角色係做銀行家，梗係以西裝為主，公司有提供西裝，我都會自備，D私伙衫係適合我先會帶，要作都要睇係咪事實。」這些新聞真是欲加之罪，何患無詞？
|
