洪金寶笑談「鹹豬手」事件

放大圖片

　【本報訊】（記者 梁靜儀）洪金寶(大哥)前晚接受「U Channel」訪問，談到兒子近日牽涉入電視台的「魔術鹹豬手」事件，大哥笑言未見過兒子玩魔術，又笑謂若真有其事，兒子就太過大意了，又爆出不單電視台，早年的電影圈亦有「鹹豬手」。

　最近無線相繼發生多宗風化事件，其中有指一名男藝員藉玩魔術為名摸女藝員胸部，而疑兇特徵之一是身高有180cm，剛巧洪天明因有此高度而成為嫌疑人物之一。

　對此，大哥表示無睇過報道，但就幽默的說︰「如果係佢就太大意喇，咁渣，畀人捉到？不過我就未見過佢玩魔術囉，早排夠話佢強姦喇。」大哥又指一向很少睇娛樂新聞，怕睇完真的會爆血管。

　談到苑瓊丹踢爆TVB的確存在鹹豬手，但就不肯開名供出真兇，因而弄至滿城風雨。大哥笑道︰「苑仔有口德囉，其實掃背沒問題，摸胸就唔好喇﹗」他更大爆不單電視台，早年的電影圈亦有「鹹豬手」事件。問到當年是否很平常？大哥笑謂這個很難講，並將「抽水」分為兩類，有些人用唔好的心態去抽水，而有些就是開心及友好地去抽水。大哥自言亦曾試過被「抽水」，他笑說：「我在美國遇到個相識的女演員，原本想上前禮貌地攬一攬對方，點知對方竟然一啖錫落我個嘴度，當時我老婆在旁邊，即刻問我咩事。」此外，大哥透露最近正籌備一部動作片，近日都埋首寫劇本，原訂五月開拍，他亦會演出一角，但因主角及場地等種種問題而延遲開拍。