 放大圖片
■張家輝跟鄭丹瑞打邊爐閒談家常。
【本報訊】now香港台自製節目《Home Sweet Home》主持鄭丹瑞邀來獲提名角逐今屆香港電影金像獎影帝的張家輝，兩個大男人邊烚下烚下邊談天說地，阿旦問家輝：「你係幾時發現自己有演戲細胞？」家輝搞笑答：「很小的時候，當我識得講大話呀，呃到我阿媽，這些應該算是有演藝細胞啦！」
張家輝捱苦的那段日子，最感安慰的要數認識了老婆關詠荷，然而最令他倆受打擊的，可算是荷姐兩度小產。家輝回想：「婚後我們積極造人，終於有了，之後我去了上海拍戲，拍戲間接到老婆電話話個BB無咗，我聽完之後真係好難過，收咗線仲要埋位拍戲，無辦法，拍完那場戲我行開去喊。之後幾個月老婆又有咗，今次我係香港，大家都已經好小心，但最後都係無咗，我記得係診所醫生告訴我們這個壞消息，當時我又好傷心，老婆即刻喊咗出來，我唔想再加深佢情緒，於是借故話去廁所，其實走咗去後樓梯嚎哭。」
那麼家輝會否特別愛惜現在的女兒？家輝答：「我當然好愛惜佢，不過我不會寵她，去街唔會抱她，要佢自己行路，不過我的視線永無離開過佢。」
|
放大圖片
