 放大圖片
■三女合力推謝天華落水。
【本報訊】謝天華昨日於深井一酒店泳池為無線新劇《老公萬歲》拍攝一場落水戲，劇情講述李綺虹整蠱謝天華，安排他的三位舊愛倫紫玄、黃瑩及曾愛媚穿上性感比堅尼出現，期間天華「落疊」後即被三女推落水。天華與黃瑩傾計途中更一度將頭部黐埋黃瑩的心口位置，最後西裝筆挺的天華遭三女推落泳池變「落湯雞」，而落水一刻，天華直呼︰「好凍呀！」其後浸在水中補拍鏡頭一段時間，天華又忍不住感嘆︰「真係好涼快！」
問到天華頭撞胸可感到尷尬？他說︰「有咩好尷尬，劇情需要達到喜劇效果𣜭。」至於可有打底時，他說：「冇，底褲都無著，又唔係要除褲，我唔似秋官咁要著紅底。」此外，黃瑩自言有少許尷尬︰「少少啦，但都OK，原本係要佢真係撞埋嚟，但後尾傾過覺得借位拍都OK。」
李綺紅透露昨日整蠱天華戲份比起對方整蠱自己算是小巫見大巫，她說︰「天華整得我仲犀利，一時電我、一時又用水淋我，有時仲會姣我，我都唔知點解佢會識（姣）。」被讚夠姣，天華笑說︰「多謝佢讚我姣。（邊度學返嚟？）咪睇下雜誌報紙囉。（有冇畀人姣過？）以我記憶冇囉。」
|
放大圖片
