 放大圖片
■阿姐圈中幾十年，她稱與阿B合唱今次是頭一回。
【本報訊】（記者 梁靜儀）汪明荃主演的歌舞喜劇《真係阿姐－汪明荃》將於本月十七日假紅館公演，昨日阿姐與表演嘉賓鍾鎮濤進行綵排，B女鍾嘉晴亦來探班。
阿姐昨日與阿B合唱英文歌《Somewhere out there》，阿姐表示幾十年來還是首次與阿B合唱。今次的舞台劇共演出兩場，有傳門券滯銷，阿姐帶笑說：「多謝幫我宣傳，成日話滯銷，令我賣去很多飛，金融海嘯有D人想開騷都開唔到，我開到算係咁喇。」
今次阿姐找來阿B及阿倫做嘉賓，她指兩人都有不同feel，亦不怕阿倫到時搞笑。阿倫經常忘記歌詞，阿姐笑言今次應該不會，她說：「因為今次他因為同我合唱，所以得半首歌。（可怕他爆肚？）我唔會畀好多機會佢講嘢，佢一出場我就會話：『魔鬼嚟喇，快D走！』」劇中阿姐會做回自己，亦令她更了解自己，阿姐自嘲說：「汪明荃真係好煩，成日『𦬓』住塊面，劇中除了跳舞，我成日督促人，可能今次做完後會改善下，做乜張張相都咁r憎，以後唔會咁上心，會heaD，做第二個Liza，再世Liza，人生如戲幾得意，最多返屋企發r憎，一個人無責任感幾輕鬆。」
阿B禁制令：女兒未可拍拖
阿B指與阿姐相識三十年，但從未合唱，以前溫拿第一次在利舞台開演唱會，阿姐也只是與阿倫合唱《分飛燕》，他就負責彈奏，又阿姐就多是與林子祥合作。訪問期間B女嘉晴突然出現，阿B即緊張來上前叫記者：「唔好影。」不過之後兩父女都大方讓傳媒影相。今年十四歲的B女長得亭亭玉立，問到她拍拖沒有？阿B即表示唔准女兒拍拖，要十八歲中學畢業至可以。
|
放大圖片
