|
【本報訊】（記者 黃佩麗）有雜誌報道錢嘉樂與前女友李珊珊復合，而嘉樂的現任緋聞女友湯盈盈傷心偷喊，昨晚湯盈盈在將軍澳工業村拍攝酒後勿駕駛宣傳片，她被記者追問此事時心情忐忑。
問湯盈盈可知錢嘉樂與李珊珊復合的事？她說：「知知地，是朋友講的。（妳是否喊呀？）我做乜要喊呀？」盈盈又指雜誌登她喊的相是梅小惠生日影的，而且當時沒有喊到。
記者再問湯盈盈與錢嘉樂目前是甚麼關係呢？盈盈語氣酸溜溜地說：「你們問番佢啦，其實由頭到尾都係你地話我地傳緋聞，我地依家係朋友同事關係，一直以來都係。（信唔信佢地復合？）雜誌講匯嘢不知真假，無意見，我都唔清楚成件事，但我相信佢地仍然係朋友關係。（會問清楚錢嘉樂嗎？）不會問，你們問啦。」記者直指她說話酸溜溜，盈盈竟說：「哈，你們都feel到呀？」然後又說：「無酸溜溜呀。」
既與錢嘉樂是朋友關係，那會否更深入發展？盈盈就說：「不排除可能性。（會否採取主動爭取嘉樂？）不會，女仔要矜持D。」問她若然嘉樂、珊珊真的復合，她會否放棄讓路？盈盈說︰「確定咗先算！」相反若嘉樂仔告訴你與李珊珊非復合，對你有好感呢？盈盈即甜笑：「他咁講先算啦。（那你對嘉樂仔有好感嗎？）我對朋友個個都有好感蕂喇！我都愛你地（記者）。」
|
