杜琪峰生日雙喜臨門

放大圖片

　【本報訊】（記者 梁靜儀）前晚是杜琪峰的五十四歲生日，一如往年他都會邀請朋友開生日會，今年也不例外，照舊在西貢某海鮮酒家開生日會慶祝，就連年前被他指是「阻住地球轉」的汪明荃亦有出席，十分畀面，而愛將鄭秀文因為家中有要事未有出席，向來敢言的杜Sir，被問到近日金像獎風波及成龍的言論，他自言已是「老餅」，故說話已不會再衝動。

　圈中人緣好的杜Sir，前晚邀請到不少朋友出席，大部分賓客更送上靚酒做賀禮，而當晚最早到場的是林雪，他六點十五分便達到，比主人家還要早到，過了十五分鐘，杜Sir亦抵達會場迎接賓客，心情大好的他還企定給記者拍照才步入酒家，之後又透過工作人員傳話，表示安排了兩圍海鮮餐宴請傳媒，表現細心。

汪明荃難得出席

　之後其他賓客陸續抵達，他們包括張家輝夫婦、劉青雲夫婦、何超儀夫婦、張兆輝夫婦、姜大偉夫婦、戚美珍、黃秋生、吳鎮宇、夏雨、秦煌、林家棟、林超賢、潘嘉德及蘇杏璇外，最意外是曾被杜Sir在三年前指責「阻住地球轉」的汪明荃亦有出席，不過阿姐卻稱不知是杜Sir的生日。問到她送甚麼給杜Sir？阿姐卻反問：「做咩要送禮？（杜Sir生日。）我唔知，只係知道�蟑僎滿C」問到她可會上台唱歌助興？她即說：「唔好�情H」

揶揄無線「實Cut」

　晚上約八時二十分，當大部分賓客進場後，杜Sir又再出來接受傳媒訪問。他表示生日願望是大家開心，希望大家吃過飯後都富貴。問到他幾多歲？杜Sir鬼馬的指自己38歲。金像獎雖已圓滿舉行，但事後卻因無線無故刪剪已被批評，當晚並沒出席的杜Sir冷笑說：「今年做得不錯。（但TVB刪剪了不少片段。）有心做，就應該做好D，無心做咪唔做囉。」說罷，他又問有沒有TVB的人在，一見有收費台在時，他即說：「死啦，死啦，呢段實Cut啦！不過橫豎都Cut啦，就大聲D講啦。」他指應該尊重大會，要同大會徵詢意見及承擔責任，每年做一次的事，如果唔支持就好唔畀面。」問到他可有收看頒獎禮時，他笑謂很抱歉，無睇。

老餅講�洐囍A衝動

　談到成龍近日失言事件時，他又笑道：「我唔知佢講乜，只知道佢講得唔好，所以畀人鬧，其實每個國家地區每個人都有唔同意見，好似馮小剛之前咁，最重要係唔好傷害人，我都老餅�驉A講�炵L咁衝動了，（成龍應慎言？）無需要一面倒，�瘩唔係灰色同黑色，亦無價值去講，我就無譚校長咁仁慈。（下次唔好再犯？）無下次，呢個世界，講�鰲N係講�驉C」

法國片商寰亞投資

　杜Sir的新片《復仇》入圍今屆康城影展的競賽部分，可謂雙喜臨門。阿杜昨日得悉喜訊時說：「好多謝康城影展，部戲係法國片商及寰亞電影投資的，好多謝戲中演員，好像法國的Johnny holiday，以及黃秋生、林家棟、林雪及林嘉華等。(有信心得獎嗎？)是否得獎不重要，最緊要全個過程合作開心。」至於會否出席康城影展，杜琪峰表示在籌備中。