霍汶希捧藝人如烹飪 炮製基仔需要「伴碟」

放大圖片

　■霍汶希不失「大廚」風範，手下藝員都被「烹調」得熱氣騰騰。

　【本報訊】（記者 梁靜儀）霍汶希最近開設飲食網頁教人煮食，昨日她接受商台節目訪問，被問到為何不上《美女廚房》時，她謂是因不想被人影到她下廚的樣子，絕非因蔡卓妍不上節目有關，阿Sa近期都忙於宣傳台劇及主力大中華市場。

　霍汶希又以煮食來比喻捧藝人，她笑說：「要睇材料，不能經常用大火，要慢慢炆，公司經常畀D豆卜豆腐，叫我煮好D，不過我唔會放棄，但有藝人就話自己唔得。」她指男藝人出道久了更有韻味，問她如何去「煮」古巨基這味�隉H霍汶希說：「要伴碟，添下色彩，畀新鮮感大家，加D香味。」她指公司正為基仔籌備國語歌，希望更多人認識他。

　對於近日泳兒繼割雙眼皮後，原本的大鼻子變得細小，鼻翼收窄，被指整容。霍汶希表示昨日報道出街後已致電泳兒，笑她登全版好犀利。她又替泳兒辯護：「我恭喜佢，人紅靚�鰲N畀人話整容，我經常將負面報道化為正面。」霍汶希又指每朝早會睇晒所有報紙，之前因為放假，祖兒被人寫身價，同事沒有通知她，結果拖垮了祖兒另一個工作，所以她覺得同事無危機感。