 放大圖片
【本報訊】公益金周年頒獎禮昨日假會展隆重舉行，作為公益金董事的黎明(Leon)與余錦基、何猷龍等盛裝赴會。早前女友樂基兒（Gaile）被狗仔隊拍得單獨到只招待會員的馬會，引起Leon與Gaile早成夫妻疑問，Leon聞言兩人是一起進去，又藉機投訴馬會讓狗仔隊進入拍照，懷疑邊個有勢力可讓他們進入馬會範圍。
昨日多位政經名人包括特首夫人曾鮑笑薇、何鴻燊、何猷龍、何超葭、李澤鉅、余錦基等出席頒獎禮，身為董事的黎明亦拖著疲憊身體出席。
近日Leon於香港、上海兩邊走，為拍攝《火龍》、《十月圍城》等電影趕工，稍後又要排練七月的紅館個唱，認真忙碌。黎明亦承認近日奔走兩地兼拍打戲消耗體力，他透露：「拍一場打戲都要十八至二十日，現時我都不敢按摩，因為肌肉太緊，按完會病三日，所以只能夠游水。」
拍內地片港片一樣賣力
談到日前黎明不錫身於銅鑼灣鬧巿四、五層高的外牆為《火龍》拍攝跳樓戲，對此Leon坦言不知道會這樣，他說：「之前我都唔知有這場戲，回到香港陳善之表示會効四、五樓拍，叫我如果做唔到唔好做，當日早上我看了他們試位的錄影帶，不過我五點半食早餐，七點就要拍！」黎明強調當日做足安全措施，負責拍攝的錢嘉樂亦都指拍攝過程簡單，至於導演林超賢卻沒有特別與他商討或交代。Leon說：「他只叫我食曲奇餅，因為帶了很多給我們，導演好叻煮雞翼。」
Leon表示當日拍跳樓戲由於要遷就攝影機角度總共跳了五次，月底會正式停工，閉關兩星期準備七月演唱會。問到事前不知連場動作戲，會否覺得收少酬金？Leon表示：「我唔講這些，並非金錢問題，酬勞多少都是這樣生活，如果多，去買股票實會損手爛腳，既然我在《十月圍城》都打得，何以在香港時裝片就唔打？」
點解狗仔隊入得去影相
早前有報道指女友樂基兒於馬會自出自入，由於與會員有夫妻關係才可這樣，作為馬會會員的Leon聞言收起笑容說：「點解呢？一齊食當然和我去。(報道指她自出自入？)自己都去到，出入廁所得唔得？」
記者強調夫妻才可以這樣做，黎明表示：「沒有聽過，唔會回答這問題，我和她經常一起吃飯，因為離家近！」記者問到女友是否馬會會員，Leon即為Gaile護航，他表示：「她不是，我是就可以啦，我不在她入去都是入我數的！」他又投訴早前某雜誌追蹤他時跟了入馬會拍照，令Leon大感疑惑：「他們(狗仔隊)無個牌咁又點解入得去？唔通他們同馬會結婚？邊個勢力可以遙控入面，狗仔隊同邊個結了婚呢？」
|
放大圖片
