 放大圖片
■能與幾位老友一齊登台演唱，許志安感到是人生一大快事。
【本報訊】剛推出國語碟的許志安，昨日到商台接受訪問及宣傳新歌，久未開演唱會他，透露原定今年6月在紅館舉行演唱會，但因未想到突破的概念，寧願不做，改為明年與好兄弟梁漢文、蘇永康及張衛健合作開演唱會，就算歌酬只得四分之一也在所不計，他只擔心到時互相爆料釀成血案。
安仔與梁炳、康仔及健仔多年老友，一直也想合作開個唱，重視友情的安仔笑道：「雖然歌酬要分四份，但錢不是最重要問題，最難得是大家可以留一個難忘回憶，甚至可以一齊走埠做巡迴演唱會，寓工作於娛樂。（會否在台上互相爆料？）唔爆料冇乜好做，我驚爆到打交咋。」至於會否邀請舊愛鄭秀文做嘉賓？安仔坦白說：「當然要啦，大家一齊成長，如果佢唔來，到佢演唱會時，我地四個衝上台搶期，仲有陳奕迅及謝霆鋒都要來。」
他們四人都已有另一半，屆時大可攜眷同行，安仔即敏感地說：「唔攜喇，攜咩呢？」他們四人當中只得安仔未試過結婚，已有女友的他笑指不會受他們影響，但他還是會結婚的，似在向女友派定心丸。
另外，曾經同一唱片公司的陳慧琳榮升媽咪，安仔亦替她開心，打算稍後請她食飯祝賀。
|
放大圖片
