 放大圖片
■三人十足歡喜冤家，經常打鬧。
既然成為好友，又是同門師兄妹，兩個男仔可有意思同詩雅拍拖呢？想不到三人異口同聲地表示沒可能。陳家樂大聲說：「我鍾意的女仔要純，最好結婚後在家相夫教子。同埋一定要夠高，你睇出名嬌小玲瓏的詩雅『咁高』，雙腳『咁長』，我點可以襯得起她！」聽到家樂窒自己，詩雅不甘示弱地表示對方一定不是她杯茶。「我的擇偶條件要他鍾意寵物，又要愛錫家人，如果做到以上的事，人品應該唔錯。以前都想過25、26歲結婚，現在則以家人行先，唔可以為愛情放棄身邊的親人，個男仔仲要對我細心，陳家樂一定唔會是個細心的男孩，佢試過被女朋友拋棄的原因是他和對方拍拖三年，從沒為對方篤過檸檬茶。」聽到詩雅的反擊，陳家樂即時收聲。
洪卓立曾上A1頭條
整個訪問不時都是兩男窒一女。但亦有例外之時，詩雅見爆完家樂的傷心史令對方收聲時，亦不忘把洪卓立拉落水，詩雅說：「說到愛情史，Ken仲勁，佢試過上港聞A1頭條，事源他要和女友分手，女友接受唔到，不時以自殺威脅，有次企跳搞到上埋港聞版頭條，最後他倆分開了。」Ken在旁無奈地和應道：「都好耐啦，講來做咩呢！」
|
放大圖片
