|
【本報訊】（記者 梁靜儀、李思穎）劉德華與24年地下情女友朱麗倩的關係近年日漸浮上水面，近日因朱父朱金城仙遊，令這段地下情再度備受關注，華仔為怕身份曝光，就連朱父出殯也沒有到朱父的墓前敬最後一禮，因而被網友狠批不給女友名份，日前華仔終被拍到以家人的身份跟隨朱家兄妹，前往墓地拜祭「岳父」頭七。
備受輿論壓力的華仔，盛傳會按照大馬習俗在百日之內正式迎娶朱麗倩入門「沖喜」，而昨日華仔又被拍到在大馬機場與朱麗倩手拖手，似有意借機給做了隱形人多年的朱麗倩一個「劉太」名份。華仔被狠批，圈中藝人各有不同回應。
譚詠麟：「國有國法，家有家規，每人有不同遊戲規則及睇法，我覺得無問題。（網友狠批？）網友有網友的睇法。他已盡孝道。（有何忠告？）華仔咁大個人，使乜人教。（話有一個疑似他的兒子？）應該畀個細路我見下，無理由連我都呃，若要人人知就要話畀曾志偉知，若要大家不知就講畀我知。（朱麗倩等了24年，用這個方法公開是否公道？）無話公唔公道，呢個世界。」
容祖兒要考慮好多嘢
陳奕迅：「我剛落機無回應。（處理恰當？）真係唔知，無回應，我無嘢講。（你覺得公開了是否好些？）一向順其自然，我結婚生仔都無特別公佈。」
容祖兒：「家家有本難唸的經，最重要�蔬茠赤谷w息，我覺得唔好有心在行為上加上言論，我都無深入研究人地家事，一個藝人遇到事要考慮好多，最好我地唔好加把口講，心理上會支持華仔。（贊成公開另一半？）公唔公開都無特別，大家都好接受。我一定會支持華仔。」
蔡卓妍稱私隱唔使公開
蔡卓妍：「每人有言論自由及權利，藝人不一定要將私隱話畀人知。（贊成公開另一半？）每人有選擇權利，華仔咁多年都做好份工，努力係有目共睹，在工作範圍做得好，就唔使將私隱公開。（千年道行一朝喪？）每人有個人言論自由。」
楊千嬅：「咁開心，祝福華仔，開心事，係一件好事，我唔會批評人地家事，最重要自己開心。」
吳君如：唔使同人交待
吳君如：「人地事唔評論，會尊重及支持好朋友的決定，呢個世界無話彻唔彻，我自己的家事都唔使向人交待及評論處理方法，我會送上無限祝福及支持。我日前有send短訊畀華仔，佢都有覆，話多謝關心。(傳華仔按照大馬習俗會在百日之內正式迎娶朱麗倩入門『沖喜』？）關我地咩事，人地問我結唔結婚，關埋門家人知，唔使同人交待，成日話無名份好慘，每個家人都會有共識。」
|
