 放大圖片
■陳志雲「玩人」肆無忌憚，湯盈盈強顏歡笑稱開心。
【本報訊】（記者 梁靜儀）陳志雲主持的《志雲飯局》已達3年，前晚流動電話網絡商1010於中環舉行「志雲星級飯堂」宣傳活動，同時為陳志雲早前推出的著作舉行簽書會，擔任司儀的湯盈盈，因為口才欠佳被陳總當面勁窒，充滿火藥味，而其他出席的緋聞情侶的戀情亦被擺上檯，引來台下一片笑聲。
前晚盈盈為活動擔任司儀，活動開始後盈盈以中文簡短翻譯外籍CEO的英文說話，被陳志雲質疑她翻譯求其，更反問她：「點解段稿咁長翻譯得咁短，你估CEO真係唔識聽中文？」之後陳志雲示範用手機瀏覽書中介紹的食肆，並作中英語簡單介紹，表現專業盡顯風範，他乘機取笑盈盈道：「咁至差唔多，唔係人地唔畀錢你！」
緋聞男女逐對玩
當盈盈介紹可以使用手機直接向食肆訂位的私人助理服務時，陳志雲再擺盈盈與錢嘉樂的緋聞上檯說：「唔得，要有錢，即係錢嘉樂！」頓時令盈盈手足無措。
緋聞情侶陳豪及廖碧兒；李詩韻及鄧健泓，以及胡杏兒、王喜、古巨基、唐詩詠、蔡瀾及霍汶希等，前晚亦有出席。當陳志雲在現場試食時，就拿杏兒的緋聞來開玩笑說：「胡杏兒最近胃口好，同黃宗澤去完旅行呀！古巨基話要留番宵夜食，係咪留畀Lorraine？」對陳總突如其來的玩笑，杏兒只懂傻笑，不懂回答。
老貓燒鬚蔡瀾糾正
玩人唔使本的陳志雲，介紹日式美食兩次將明太子講成太明子，認真老貓燒鬚，食家蔡瀾即大聲說：「係明太子呀！」為一眾被玩藝人出番啖氣。
湯盈盈對於陳總毫不留口當面窒她，她承認因很久未有當主持有些緊張，說到剛才似有火藥味，盈盈強調無藥味，並說：「佢只係笑我，無火，我都覺得搞笑及開心。（緋聞被擺上檯？）好彩有講其他藝人唔止我，不過我都接唔到，無呢D急才。」 而陳志雲事後卻讚揚盈盈有甩漏反而更生鬼風趣。
陳志雲否認否刻意安排緋聞情侶藝人到場，至於提到陳豪與廖碧兒甚少一起出席活動，他謂覺得一齊出席活動都無問題，最緊要觀眾鍾意。
鄧健泓與李詩韻前晚齊以黑色情侶裝到場，無懼戀情公開，感情穩定的他稱不介意與緋聞女友齊出席公開活動。
|
放大圖片
