 放大圖片
■郭晉安、郭羨妮、胡定欣、郭政鴻玩得狂放。
【本報訊】（記者 梁靜儀）《古靈精探B》一眾演員昨日到九展保齡球城出席「鬼馬神探齊通齡」活動，又分成兩組玩遊戲，氣氛熱鬧。剛與老婆去完旅行的郭晉安大爆閨房樂事，笑言與老婆大戰五百回合，連帶心境也返老還童。
安仔剛與老婆歐倩怡去了北海道「充電」返港，他回味說：「我同老婆去了北海道過了一個四日三夜的二人世界，激戰五百回合。（乘機造人？）呢個世界有樣嘢叫做安全套，我D計劃好兩年後先再生，今次旅行好有初戀Feel，因為當日都係同老婆去韓國冰天雪地拍特輯開始，北海道又係冰天雪地，好有感覺，感情都有回春，我同老婆都後生晒，兩個都想即刻栢書包返學添。」
郭羨妮絕不隨便搵人嫁
郭羨妮昨日也落場打保齡，對於今集《古》劇被指劇情鬆散，她解釋故事會有鬆有緊的時候，對於有三十幾點收視她也很滿意，當然希望可以更加好，近日走在街上也有很多市民跟她說有追劇集。問到劇集出街後，可有帶挈她多賺外快？郭羨妮承認登台工作多了，而且陸續有來。現時她又要拍《蔡瀾品味》，每日都要出外景，以致肥了不少。
近日有報道指圈中多位女星嫁唔出，郭羨妮亦榜上有名，問到她可介意被指無拖拍？她說：「實際上我無拍拖，我步向『老姑婆』行列，現在投入工作好開心，無煩惱，唔心急拍拖，唔會介意報道點寫，我乜都畀人寫過，不過我唔會因為人家幾句說話就隨便搵個人拍拖，而且也要搵到才可以。」
陳美詩「問候」孫耀威
陳美詩的緋聞男友孫耀威被指鼻生瘤、聲帶出血，問到可有上門探望？她甜笑道：「咁又冇，不過大家每星期都有集體聚會，我有問候佢，佢心情OK，係咪生瘤就唔清楚，但知佢暫時唔唱得歌。我都試過失聲，感覺好難受，不過佢好開心，積極面對。」問到可有煲湯給對方補身？她推說：「佢媽咪會煲。（你煲唔同既。）考慮一下。」
|
放大圖片
