 放大圖片
【本報訊】（記者 李思穎）早年患上鼻咽癌的尹志強，被指因病情反覆不時要進出醫院，近日傳尹佬流鼻血被送入深切治療部，前晚一度傳出他病危，其女友米雪(見圖)昨日親身否認尹佬病危，直斥這些報道嚇壞人、很離譜，她指男友沒事已返家休息。
儘管關於尹佬病情急變的消息接踵而來，米雪依然故我繼續埋首工作，昨早她剛從橫店拍劇返港，即出席所代言的健康食品活動，明日又再啟程到甘肅探訪，顯然尹志強的病情並非傳聞般嚴重。對於尹佬病危之說，米雪淡定地說：「不是這情況，給你們（報道）嚇襯，造謠者亂來嚇死人，事實尹佬入院係例行檢查。（定期去檢查？）類似，總之報道好誇張，唔好咁離譜，我多謝大家關心，但不要寫到成另一回事，正如劇集《宮心計》有句說話，要『存好心』、『做好事』、『講好話」，而家社會咁亂，又話小朋友吸毒，我地幫手做了不少（指善事），大家都要幫下我地，就算對一個病者唔識唔熟，都應該給予一些關心，唔係仲要一腳踩落去。」
雖然樂觀 內心不快
米雪透露：「尹佬已經返回屋企。（尹佬有否為報道不快？）無，佢唔係唔知，不過我們都是處之泰然，但站在家人立場會不開心，雖然我們都好樂天，但都不好用這些來宣傳報道。（最初聽到這消息是否很擔心？）我日日都知發生咩事，只係覺得點解又問這些問題，你睇我笑笑口，實際上心裡面不想講這個題目，不過身邊都有不少朋友鼓勵和支持他。（朋友有否致電了解病情？）大家都知發生甚麼事。」
|
放大圖片
