 放大圖片
■側田自問本性貪玩，但今次闖了大禍，覺得好錯。
【本報訊】（記者 焯羚、李思穎）側田曹格兩個老友，私底下特別投契，卻發生兩人街上大打出手，令人感到匪夷所思。側田昨日上午接受查小欣電台節目訪問，承認中環發生打架事件是真的。他憶述當晚是約了班朋友落酒吧jam歌，曹格以為我俾人蝦，挺身而出幫我，其實那人是我識的，最後變咗我地嗌交！（其實你係做架襾？）都係。今次其實係好小誤會，不過，唔理爭執係大定係細，我和曹格的行為（打架）都係唔彻，大家都唔係小朋友了，打架事件公開了好核突、尷尬。真是唔好意思，我們會承擔責任。應向社會及所有我的Fans道歉，我側田衷心道歉！無論點在街上打架都是不對的。」
你當時飲了許多酒了？「我們都有飲酒，不是好醉。」見你當時抱著曹格說甚麼咁激動？「主要是講今晚大家都玩得好開心，無謂搞到咁。」
曹格是否踢傷你下體？「無事，佢無咁勁，不過他舉起路邊的警告牌舞，我都好驚。」
報道誇張 俾高層勁罵
側田又說：「事發後第二日我們都有通電話，還說希望無人影到，今日是雷頌德打畀我，當知道自己上了港聞A1頭條好驚訝！暈一暈，報道誇張了，兩兄弟吵架𣜭，事件曝光後曹格有同我講唔好意思。點都好，我始終係佢個女的契爺，大家的感情無變，我們都是巨蟹座，性格很相似，所以成日都有互訴心事。」
側田自認事發後俾公司高層勁罵，罵他太過分了，是入行以來被罵得最厲害的一次。自己亦承諾不會有下次，日後會飲少些酒。
入行後點解成日闖禍？「被拍到與女仔夜蒲，我認為那些都是正常的，不算禍，許多人都係咁，不明自己點解咁惹火。（覺得自己太貪玩嗎？）我本性如此。但今次事件就真是闖大禍，好錯！好幼稚！仲上埋Ａ1頭條，對不起公司！」
公司不排除法律追究
如果可以重來一次你會點處理？「我會選擇走開，更會拉曹格返屋企，不會吵鬧火上加油，不會當街打架。」而大家好奇他的帽打極都唔甩？側田說：「唔好講呢的啦。」查小欣叫他此刻除帽可以轉移大家視線，他幽默地說：「可以考慮下你的提議。」
而金牌大風發言人林小姐表示公司高層陳輝虹出外公幹，公司的立場是不排除法律追究，旗下藝人側田在事件上是受害者，儘管側田個人很顧及兄弟情，依舊當曹格是朋友，但他們覺得如果是朋友點解會出手咁兇狠？好在側田避到，否則後果嚴重。
|
放大圖片
