 放大圖片
■湯盈盈(右)和梁靖琪的「糖黐豆」親密照。
【本報訊】（記者 梁靜儀）無線新劇《蔡鍔與小鳳仙》一眾演員湯盈盈、梁靖琪、田蕊妮、馬國明、秦煌等，昨日到將軍澳一老人之家進行「樂在『耆』中慶團圓」活動，與長者們大玩遊戲及做柚皮燈籠，甚有節日氣氛，而男主角劉松仁因病而未能出席。
湯盈盈被問到中秋佳節會否與緋聞男友錢嘉樂團圓？她說：「呢些唔係family匯嘢咩﹖但那日我要開工，唔會慶祝，不過都會食月餅應節。」剛去了泰國拍《美女廚房》外景的盈盈，對於同行的高海寧及郭書瑤「拋胸」上陣，她笑道：「兩個真係好勁，好震撼，呢些唔可以講大話，不過各有各特色，大有大好，瑤瑤好cute。」
早前因細菌感染而被迫推掉工作的梁靖琪，目前仍需服藥和敷藥膏。Toby指睇醫生時發生笑話：「初期我真係好痛，要喊住睇醫生，醫生問我個鼻係咪假，如果係假就要拆咗先可以醫，我D眼淚即刻縮番入去，笑死我。（病情會否斷尾﹖）有機會三、四年後復發，所以要調理好身體同多食維他命C，至於面上的印要慢慢退去。」
|
放大圖片
