否認明年嫁小春 應采兒有BB即結婚

放大圖片

　■應采兒提起小春即甜笑。

　【本報訊】（記者 梁靜儀）電影《撲克王》前晚假圓方舉行首映禮，一班戲中演員包括古天樂、劉青雲、應采兒及向佐等均有出席，被指明年下嫁陳小春的采兒，更被古仔稱呼為陳太，不過采兒卻否認明年嫁小春，但不排除有BB會閃電結婚。

　應采兒與陳小春拍拖兩年幾以來如膠似漆，近日更有報道指采兒將於明年下嫁小春，前晚被問到婚訊時，采兒卻表現得一頭霧水，她否認說：「我都未Plan (計劃)幾時結婚，見到呢單新聞我都覺得怪，又話明年六月，又話求了兩次婚！(小春求了多少次婚？ )求幾多次我就有保留，不過以我性格，結婚會講畀大家聽，我們都未Plan幾時結，大家都有共識。」問到是否已有結婚準備？采兒故作神秘說：「唔知，可能想結就唔會理有無Ready，我而家都未搞，明年六月應該都結唔到。(會否即興結婚？)無乜�牁|令我即興去結，除非無啦啦有BB。」

　當晚除了是電影首映外，電影公司更特別提早為本月21日39歲生日的古仔砌蛋糕慶祝，一班演員大唱生日歌外，向華強太太更向他獻吻祝賀，令古仔受寵若驚。古仔透露生日當晚會跟家人吃飯慶祝，問到最想收到什麼禮物？古仔透露之前已收到Fans送的生日卡還有酒，生日願望是身體健康。