 放大圖片
■周日撼「亞姐」，無線美女廚房與「獎門人」攜手。
【本報訊】「無敵獎門人惡鬥美女廚房」將於本周日與亞姐總決賽對撼，無線昨專程安排方力申、梁漢文聯同七位美味天使、陳彥行、黃榕、Dada等，往奧海城出席「嘩鬼美女無敵哈囉喂」造勢，有傳監製錢國偉不滿豆沙包拒絕陪客，而攆走對方。錢國偉則反指豆沙包工作懶散、經常跳錯舞步、錄影時𠳓覺。方力申、梁漢文與其他美味天使，都力撐監製錢國偉。
當錢國偉被問此事時，剛巧小方經過，他即問小方：「知唔知點解唔用豆沙包？」小方謂：「做得唔好，唔夠勤力囉！」錢國偉謂：「懶係主因，入廠又𠳓覺，我唔講咁多，費事佢得逞。」他指飯局是同事間食飯，腸粉住得遠都很少去。他續指：「公司叫我小心D女仔，我做嘢𣜭，要上位都無計。」他又指報道稱他與春卷有曖昧，並傳對方與李思捷拍他。他表示：「佢(豆沙包)又唔想跳舞，又唔想見人，連宣傳都唔願做，話畀其他人做得啦！好彩公司明白我。」
|
放大圖片
