 放大圖片
【本報訊】（記者 梁靜儀）江若琳(下圖)、方力申、吳雨霏、(左圖)陳柏宇及4anda（son）等，昨日出席「健康安全在西貢—安全社區確認典禮」。活動上江若琳演出短劇，一人分飾母親、太太及女兒三個角色，她笑謂可以一次過做足三個願望。江若琳表示一直想演舞台劇，這次有機會一次過演出三個角色很開心，但又覺得母親角色很難演繹，只好模仿「長氣」的母親。她笑指每次收工回家，母親每隔十秒就會提醒她要除隱形眼鏡。又叫她：「飲湯呀！」她笑指日前去了澳門工作幾日，聽唔到媽咪的煩音卻大感不習慣。媽咪可有催她畀家用？江若琳說：「咁又冇，屋企唔係等我開飯。」
近日鄧麗欣被影到去睇新款七人車，小方與鄧麗欣住得接近，問到小方可會與鄧麗欣夾錢買車？小方笑說：「睇下車𣜭，佢同側田住得仲近啦！（車你機會多些？）唔係，開工有公司車坐，無謂浪費油錢。不過，我都想換車，以前都有諗過買七人車，但阿爸、阿媽同細佬全部都係中環返工，搭小巴都好方便，所以換車都係換番四驅車。」
吳雨霏近日正在學電單車，她自言有信心一次過考到車牌。她又踢爆小方原本答應一齊去學車，但臨時縮沙。小方即笑窒吳雨霏：「我要徵求父母意見，唔會學人㳜先斬後奏。」
|
放大圖片
