 放大圖片
■歌手周柏豪（右起）、鄭融、董敏莉、楊愛瑾出席「夢情天香氛」活動。
【本報訊】（記者 寧寧）法國嬌蘭 GUERLAIN為慶祝品牌本年度一重點產品「Idylle 夢情天香氛」的誕生及於亞洲正式面世，前晚假中環置地廣場舉行酒會，專程從法國總部遠道而來的品牌總裁 Laurent Boillot 及品牌香水師 Thierry Wasser主持揭幕。酒會吸引到不少型男美女赴會，包括藝人楊洛婷、周柏豪、鄭融、Miki楊愛瑾、董敏莉、吳嘉龍與女友Leah、港男陳志健、名模趙嘉懿、貝安琪與母親劉香萍、台灣名模孫麗婷Agnes、名媛何超盈Sabrina等等。
楊愛瑾身穿露背裝赴會，她表示今次件衫少少鬆唔可以舉起手，怕走光，她表示現時除出席公開活動外，也忙於與導演傾談電影工作，全力搵銀。問她不是說過一心嫁人嗎？她說：「我冇對象。（永安太子爺郭永淳？）呢個係外界畀我，我地只係朋友。如果要靠男友，我個心會過意唔去，我鍾意自己搵錢。（知道對方搞好離婚文件未？）我冇問過，唔知。」
鄭融則表示：「因為年尾好多大型活動，又聖誕、又除夕，仲有頒獎禮，依家有時間就會去睇衫，我唔想請形象指導，覺得自己最清楚自己，我懶，但貪靚！都要預五位數買靚衫，最好有贊助，我覺得好浪費，件衫只可以著一次，又唔環保，感覺好肉赤，我鍾意花錢食同旅行，衣服係最尾。」
|
放大圖片
