 放大圖片
■其實王秀琳也是勝者，起碼她的名氣已大幅提升，所以可掛免戰牌了。
【本報訊】（記者 李慶全、黃佩麗）熊黛林被傳媒拍到從郭富城住所的大廈步出，被指「攻城」一小時。昨晚熊黛林(Lynn)出席「蘭桂坊嘉年華2009」的「關懷愛滋愛心大行動」，並擔任主禮嘉賓，而謝婷婷也擔任「關懷愛滋大使」，更被邀請即席上台跳舞。面對傳媒追問「攻城」一小時的事，熊黛林笑住說唔回應，心情大好。
熊黛林一到場便成為傳媒焦點，對被指「攻城」一小時，她笑着說：「我唔回應喇。（城城確立你地位向你派定心丸喎。）你哋寫啫，我無諗咁多，佢只係回應咗你哋的問題。」記者指她一返港便去城城屋企，如此掛住城城，她立即一臉尷尬：「我唔回應呀！唔該！（定係佢掛住你呀？）我都答唔到你哋。」你常被人發現去城城屋企，不如叫城城去你家。她又一臉為難地說：「我唔回應喇，我唔知點答呀。（咁你重去唔去佢屋企？）遲啲先啦，現在不講了。」
今晚的問題好難答
城城表明王秀琳不是他的緋聞女友，熊黛林一副輕鬆語氣說：「其實我無唔開心過，我無嘢，都無事發生過。（王秀琳反指城城也想多了。）我一路都無回應。Ａaron都回應番，都講清楚咯，我無嘢回應。」
會祝福他們在一起
可覺得城城今次是幫你出頭？熊黛林稱沒有這個感覺。那你與城城是甚麼關係呢？她說：「係好朋友。」王秀琳這件事令你們感情會否變得更好？她笑謂：「哈哈，我唔知點答。（係咪信任多咗？）一向都無問題。」現在雨過天青啦？她說：「一向天氣都好好。」這一刻怎樣形容自己的心情？「今晚氣氛好好呀！」成為勝利者會否舒了口氣呢？她立即反問記者：「點解呀？點解今晚的問題咁難答嘅，我一向專心工作，冇理其他嘢。」講完匆匆走人。
王秀琳昨晚亦出席一個籌款晚宴，身穿低胸紫色花花裙。問到她可有看熊黛林「攻城」報道？她表示昨日好忙，沒有看過，也沒有人告訴她。對於熊黛林與城城的感情似是越來越好。她說：「我唔想講其他嘢，唔關我事。今日想尊重大會，講番大會嘅嘢啦。」問到她去過城城屋企嗎？她表示不談這些。再追問她是否因為有壓力才不講？她說：「唔想講囉，之前都講咗話唔講。唔關我事的唔講，人哋的事亦唔想多講。」與他們劃清界線？她表示不要用這個字眼，她沒有講過。
熊黛林昨晚出席活動都撐城城，現在好像「二打一」，王秀琳立即說：「咩二打一，打機呀，大家諗多咗。唔想隔空罵戰，想停止戰爭，人哋睇好似係戰爭，但我唔想令大家都誤會。」她更指若城城與熊黛林在一起的，也會祝福他們！
不會有酸溜溜的感覺？王秀琳說：「有時覺得傳媒、觀眾對我有誤會，若要講唔開心，我只係唔開心大家對我有誤會，其他的都不緊要。」
|
放大圖片
