|
李自明
距特區政府公布2012年政制發展諮詢方案只餘不足一個星期，反對派未有專注於研究一套可行且能獲社會各界廣泛接受的共識方案，反去信國家主席胡錦濤要求會面，表達他們的「訴求」。有政壇中人笑言，反對派連一套讓陣營內23人都同意的共識方案都沒有，即使見到胡主席，還不是各說各話？且他們各自提出的方案，完全違反全國人大常委會於07年底就香港2012年政制發展作出的決議，令人質疑他們此舉並無誠意，不過是又一次開天殺價，以備一旦重蹈05年的覆轍而令香港政制再次原地踏步，有一個推卸責任的借口而已。
重施05年絕招「一味反」
有政壇中人對反對派再重施05年的故技大搖其頭，坦言身為香港人，除非看完《2012末日預言》後，相信了其中說根據「瑪雅曆」世界將於2012年終結那一套，否則，大家都希望各方能透過理性討論，就這個邁向全面普選的「中途方案」達致共識。但反對派來來去去就只懂反對：「咁多年來都冇長進，唔止得政改一個單一議題，仲要來來去去淨係得『反對』一招，想當年任一招（任志剛）就話力挽亞洲金融危機狂瀾，但反對派呢一招卻令香港民主寸步難前！」
他向自明分析，細察反對派各黨派的建議，就知道他們的訴求，完全違反了人大的決議：「人大決議講明2012年不實行雙普選，立法會功能團體和分區直選產生嘅議員各佔半數的比例維持不變，立法會對法案、議案嘅表決程序維持不變，佢哋就當睇唔到，照話一定要2012年雙普選，取消功能界別等等。但特首話即使2012年政改方案被否決，2017年特首都會普選，根據嘅都係人大決議，�蔓Z反對派就即刻叫好，話咁樣就唔會俾人話佢哋阻住普選進展喎。呢種『選擇性失明』，真係耐人尋味！」
陣營內為爭主動亂出招
另一個關鍵問題是，反對派對政改路線圖乃至時間表其實各有說辭，分歧甚大。如癲狗幫（社民連）堅持要求2012年「雙普選」；公文袋（公民黨）則要求明確的普選路線圖、取消功能界別及現行的分組點票機制；白鴿黨（民主黨）則更富彈性，並放話投票意向交由該黨的會員大會決定，可謂莫衷一是。「政改係佢哋唯一嘅食糊議題，各黨派都唔想坐失話語主導權，所以咪各有各講囉，你話呢樣我就要話�蝦芊A各自玩吓《宮心計》，好似驚蝕底咁！」
他認為，反對派連要凝聚內部共識都那麼困難，要他們定一個令香港整體社會基本接受的政改方案，恐怕是「挾泰山以超北海」，所以叫價才會越來越高：「無論當局推出嘅諮詢文件內容係點，反對派都會擺出一副唔想收貨嘅態度，仲要開天殺價，高到特區政府無辦法接受，到時佢哋就可以繼續企効道德高地，一旦政制因佢哋唔支持而再次原地踏步，就將責任推到政府及其他議員身上，呢個把戲05年已耍過一次啦，如今只係玩多鋪之嘛！」
應為推進民主做點實事
該政壇中人慨嘆，反對派在05年已令香港民主錯失了一次進步的機會，希望他們不要再令香港人失望：「共識政治嘅精髓就係要有傾有講、有退有讓，反對派既然咁鍾意講民主，更應該諗吓點樣積極同市民、政府尋求共識，共同推進民主！」
|
