 放大圖片
■出席高層飯局，楊怡認為是「正面的上位」。
聽過好幾個男藝人說楊怡很男仔頭，和她拍劇不用擔心會有緋聞出現。訪問當日，記者親睹楊怡和其他男藝人相處，大家果然當佢是男仔看待。事緣拍專訪相時，在餐廳門口見到黃浩然、敖嘉年等，楊怡離遠已經大大聲同各人打招呼，黃浩然口花花地說：「嘩！個女仔好靚呀！」當楊怡滿心歡喜地說多謝時，冷不妨黃浩然又說一句：「講緊你新剪的短頭髮呀！」話畢，大家笑聲不絕，楊怡與黃浩然在記者面前上演一場追逐戰，兩人玩得不易樂乎。「我的性格就好男仔頭，所以男藝人見到我都鬆一口氣，最少知道唔會有咩是非、緋聞出現。其實入行咁耐，自己都見到好多不同的人和事，但自己本著的心態是用心待人。平時自己又唔鍾意招惹是非，一直以來都有記者朋友話我沒有新聞好吃虧，不如夾下新聞，我唔係扮清高唔想做，而係我都唔識點去做，當然我去買嘢你影到，我又OK。每個人行的路都不同，我是比較腳踏實地的人。」
其實楊怡在不知不覺間已經有改變，最少看她近年出騷的性感衣著，都令人眼前一亮，而間中亦會出席高層的生日晚會，這算不算是妥協呢？楊怡稱這為「正面的上位」，那什麼是「正面的上位」呢？「呢個是一個很好的問題，不刻意造緋聞、不刻意賣弄某些東西，但如果是工作上的需要，就可以接受。至於樂小姐、珍姐等叫食飯，時間配合到都會去，你試想一下，你生日請食飯都想大家畀面到場啦，這是人與人之間的相處禮貌，再者樂小姐生日可以打正旗號去玩，正！」
|
放大圖片
