 放大圖片
■楊怡為演好奸角，每日對鏡練習。
訪問尾聲，不禁再問楊怡，作為一個藝人真是沒有上位的野心嗎？見到身邊遲過自己出道，如鍾嘉欣、陳法拉、徐子珊都已經上位，難道楊怡真的唔心急嗎？「咁我都有試過心急，我是心急幾時有好劇本，每個人的時間表不一樣，現在我用十年時間打造。其實唔好以為TVB咁多人，你付出的努力沒人知，記得訓練班畢業初，我被派做歡樂小姐，當以為只是在鏡頭一閃而過時，但第二日早上，我收到公司電話，讚我笑得靚做得好，原來其他歡樂小姐都唔鍾意呢個job，得我一個肯笑，那次發現更微不足道的事，也會有人看到。香港人雖然好進取，但演戲就要慢，要用時間去浸演技，如果只有外表而冇演技，就只得外表冇靈魂。就算要我一直演落去都沒問題，做甘草都OK。呀，但甘草呢個名好似唔係咁好聽，你沒可能說司棋姐、菊姐是甘草，應該是資深演員，只要自己可以有繼續進步空間就做下去，在娛樂圈，做好本分很重要。」
|
放大圖片
