 放大圖片
■張衛健(左二)對婚姻出現第三者一事大感疑惑。
【本報訊】（記者 寧寧）最近有指張衛健跟太太張茜婚變傳聞，更指第三者是林心如，張衛健與蘇永康、許志安及梁漢文昨日為百樂門酒樓觀塘店擔任剪綵嘉賓，張衛健聽了這傳聞第一個反應：「下，首先我很久無跟心如合作，《韋小寶》之後也見過一、二次，反而阿茜見心如多些，所以我可以好認真講：絕對沒有可能，(有指阿茜消瘦了？)我還嫌佢肥，其實佢一直也是瘦，我也不明為何這樣傳，彻彻先結婚，婚變都無咁早。」有指阿茜表示將來的事好難講，健仔說：「我也支持佢的講法，不過真係唔關心如事，唔好搞佢，我可以斬釘截鐵講這三十年之內好難婚變，不過有D事估計唔到，可能阿茜到六十歲時想搵個成熟穩重有頭髮的男人，而我六十歲臨老入花叢哩？」
除了他們四人之外，還有翻版「張柏芝」貢米，問四人一齊擔任剪綵嘉賓酬勞是否很高？張衛健笑謂：「係無價，因為係Ba叔叫我地四個來一定要來啦﹗因為佢睇住我地四個大的，所以我地不是講錢的。」在旁的安仔插嘴：「如果係我地四個天價，幾十萬一定走唔甩，講笑啦﹗」之後記者問安仔是否打算在這裡擺酒，安仔說：「係呀﹗」在旁的健仔抵死的說：「我怕你坐唔滿，兩圍也應該可以。」搞到安仔沒好氣。
|
放大圖片
