 放大圖片
■鄭秀文邀好友擔任嘉賓，當然不能少了任賢齊。
【本報訊】鄭秀文前晚進入第九場演唱會，找來「銀幕情侶」任賢齊擔任演出嘉賓，她介紹嘉賓出場時說：「來到這個環節，我都唔會待薄大家，每一晚都會選我好喜歡的朋友作為我演唱會嘉賓，昨晚我請了四奶奶鄧萃雯，兩個dry女高歌一曲，今日又需要滋潤下，因為個沙漠又需要愛情的滋潤，今晚我請了一個我銀幕上的拍檔來和我唱歌。」於是和任賢齊合唱了《浪花一朵朵》。
小齊笑謂：浪花係邊度？一齊睇浪花好唔好？
鄭秀文：浪花呀，唔係浪瓜，你練來練去，Ｄ廣東話都係咁。
小齊：呢排好多人用沙漠來形容你……，其實唔彻嘅。
鄭秀文：有嘢乾得過沙咩？
小齊：應該係沙灘。
鄭秀文：點解呀？
小齊：你嘅「麼麼茶」係沙灘等緊你返嚟。
鄭秀文：啊！你又係度宣傳新片，知啦要開拍《夏日的麼麼茶》part2，但係我有個要求，你好似當年咁着條三角褲係沙灘度跑，睇到我……丫，嘩……精神為之一震，Ｄ布少到無可再少。
小齊：你畀我解釋，泳褲全部都係馬來西亞買嘅，唔知點解揀的都……
鄭秀文：你size大啫…，我話你個patpat呀，冇話你邊度。
何韻詩得獎係「衰嘢」？
當晚臨完場前，何韻詩上台跟鄭秀文高歌。鄭秀文說：「阿詩你好似効商台拿好多獎？」何韻詩：「唔好講Ｄ衰嘢啦。」鄭秀文：「恭喜你，冇理由我Ｄ碟賣得咁好我都冇獎。」何韻詩：「唔使呢Ｄ嘢，邊個夠你嚟丫。我真係未見過呢幾年有人賣六萬。」鄭秀文：「唔好驕傲。」何韻詩：「咩事賣六萬呢？可唔可以過兩招？」鄭秀文：「問佢啦(上帝)。」何韻詩：「我真係好遺憾睇唔到你演唱會，我咁多日都飛呀，聽日又走啦。」鄭秀文：「所以你今日來我好開心呀，呢Ｄ就係真朋友啦！」
前晚楊千嬅、樂瞳跟ＡＴ１７的林二汶也去捧場，不時站起來跳舞。
|
放大圖片
