【本報訊】《Super疑似巨星演唱會》前晚於灣仔伊館舉行,一眾扮炾炊熁鳩g左、盧海鵬、羅敏莊及吳麗珠都於台上一展身手。由於是次演唱會扣除開資收益都作慈善用途,更因經費有限,如羅敏莊的舞衣都是自備的。羅敏莊再次扮演自己的偶像葉麗儀及梅艷芳,她說:「兩個都係我偶像,梅姐就扮佢參加新秀唱《風的季節》。扮梅姐就要注重台風多D,扮葉麗儀就要唱功好。」而羅敏莊更於獻唱《上海灘》時加插泰文,她笑說:「自己加入去,最緊要大家睇得開心。」
此外,羅君左就扮肥姐及徐小鳳,更表示自己的狀態相當好。談到昨日是肥姐逝世兩周年,他說:「哎呀!掛住工作唔記得!(今日扮佢分外有意義?)覺得同佢好有緣,希望肥姐會保佑我,我無醜化佢。」羅君左透露義肢仍在修改中,他說:「可能之前我腳腫,有點鬆。自己都唔心急,因為要練行路,佢地要求我用義肢行到好似正常人一樣。」而鵬哥就大讚羅君左堅強又有毅力。
|