 放大圖片
【本報訊】（記者 小儀）廖碧兒(圖中)、何超盈、諸葛梓岐、何傲兒等昨日出席化妝品CLINIQUE在中環舉行的餐會，廖碧兒有份演出的賀歲片《72家租客》票房有二千多萬，她笑言畀晒D錢佢袋仲開心。片中醜化自己飾演的哨牙珍，廖碧兒得意忘形地表示當時好多人都認唔到佢，直至無線出咗製作特輯先知。碧兒說：「呢套電影好有香港地道色彩，港產片互相競爭亦是好事，最希望能吸引觀眾入戲院支持電影。我試過去街市被認出，大家送咗釵h贈品我。」
何超盈被問到情人節同男友Greg點過時，她甜笑說：「我們往巴黎旅行，雖然已過了情人節才起行，但亦有互送情人節禮物，Greg下廚煮西餐我食，我就炮製甜品答謝男友，我畀佢一百分滿分。(你弟弟和超雲分別開始拍拖？)弟弟只有十六歲，但有很多女仔主動追佢，我未聽過佢有心儀對象，我會教佢選女友要有教養、禮貌、讀書好，亦要接受到我們的家族。超雲來緊生日，我很期待佢會帶伴侶出席，但我都係看報紙才知道佢有新歡。」
|
放大圖片
