 放大圖片
■貪玩的Ronald引得Angelababy笑不停口。
人氣當紮名模Angelababy近日在賀歲電影《花田囍事2010》與鄭中基（Ronald）結片緣，兩人拍攝期間更傳出緋聞，可惜是煲水新聞居多。虎年伊始，Angelababy希望可以拍多些電影，而今年出道15年的鄭中基，計劃在台灣小巨蛋舉行紀念演唱會，實行搞大佢！
鄭中基一向善於搞笑就係人都知，想不到平時斯斯文文的Angelababy原來都好玩得，拍攝當日叫2人拿著大炮仗道具拍照，貪玩的Ronald不斷大叫：「嘩，你睇下我手上的『香』是綠色的，一點火唔止燒炮仗，會有煙花，我準備點啦，你咪眨眼。」Ronald的一番話引得Angelababy笑不停口，難得伊人交足戲，一手拿著炮仗、一手掩著耳朵，場面惹笑。
剛過去的新年，Angelababy難得有幾日假期，立即飛回上海探望患病的婆婆。Baby說：「去年工作很忙，成日周圍飛，難得有一星期假，我立即和家人一起飛回上海探婆婆。」問到農曆新年習慣，「80後」出生的Baby原來十分傳統，會有穿紅裙過年的習俗。她相信新年時穿紅通通的衣服，可以為自己帶來好運。
Baby反串男角受好評
今次賀歲電影可算是Baby處女下海之作，在戲中她反串做男仔。「之前拍電影都是客串為主，今次的角色講我是皇帝古天樂的妹妹，機遇下遇到扮將軍的鄭中基，我仲要以男仔打扮出現，角色好好玩、好有挑戰性。其實拍喜劇好難，要放低平時的我去投入角色。」
早前老闆黃百鳴公開大讚Baby的演技，問到拍檔Ronald，他說：「佢第一次演喜劇算唔錯啦，做得好放，完全沒有心理包袱，好容易投入同勤力，咩都肯去試。」聽到Ronald一番讚美，Baby不禁回禮道：「Ronald都教咗我好多嘢，佢同肥仔聰不用埋位時，會講好多嘢引大家笑，冇時停！幸好同他們拍攝的時間不長，否則我一定笑死在片場。」
|
放大圖片
