古巨基已升級做伯伯 官恩娜讚犀利哥「型」

放大圖片

　■官恩娜和「犀利哥」合作沒問題，但最緊要是要先洗澡。

　【本報訊】古巨基、官恩娜和孫耀威等昨日一同出席活動，基仔再次以「古Sir」身份和Fans玩遊戲，其後他指有很多小朋友都會問他IQ題，幸未有小朋友會問他性知識，不過他覺得家中的五歲姪女，日後可能會問他，但認為自己會有方法回答她。

　基仔表示已教姪女稱他「基仔伯伯」，認為感覺上較年輕，雖然有時也想自己生孩子，但只會一閃即逝。問他不擔心年紀大嗎？他即說：「年齡唔係問題，我仲係三字頭，係男人最健壯時候。（擔心女朋友年紀？）邊有呀？將來先算啦！」

　官恩娜就表示近日亦有留意寧波乞丐「犀利哥」，還讚對方：「好浪子feel，都幾靚仔。」但提到他已剃了頭髮和鬍子，官恩娜表現得有點失望說：「咁咪唔型？佢要留鬚，D頭髮亂晒先好睇。其實我唔係鼓勵人做乞丐，但正常都應該搵工，不過佢流浪得咁有型，真係服�鼳。」官恩娜認為「犀利哥」有可能在娛樂圈闖出名堂，但要和她合作就要先洗澡，因為她不可以接受男生不洗澡。