倫永亮酒店慶祝生辰林憶蓮佛山開「騷」

放大圖片

　【本報訊】林憶蓮前晚於佛山舉行「10憶蓮佛山演唱會」，門票一早售罄，最貴門票被炒至二千多元，林憶蓮踏上舞台後，第一時間多謝全場觀眾支持。

　林憶蓮個唱狀態大勇，穿上性感小背心外，並在手臂上畫上紋身花朵，勁歌熱舞前則於後台做足功夫防走光，舞台上的每次鞠躬均以手掩著胸口，而演唱至一半，熱情的觀眾即失控湧上舞台邊呼叫邊跳舞，不停有人大叫：「憶蓮你好索呀！」林憶蓮反問：「咩？我好瘦？哈哈……」憶蓮透露她最近開始灌錄個人最新國語唱片，演唱會上更首度公開唱其新歌《柿子》。

　前晚是演唱會音樂總監倫永亮生日，個唱完畢返回酒店，憶蓮跟樂隊及工作人員一同為倫永亮舉行生日派對，倫永亮開心又感動，吹蠟燭許願時說：「我最希望憶蓮做多些音樂會，唔好停囉，咁樣就可以令我們這班音樂人不停有工開，搵多些錢，多謝憶蓮！」林憶蓮笑言：「倫永亮成日開玩笑，點會係我幫他們搵食賺錢呢，這麼好的音樂人，我反而擔心佢唔做，我開演唱會冇人幫我呀。」

　憶蓮是4月26日生日，問到她屆時如何慶祝，她謂下周要到北京巡迴，生日當日應該可以休息，這些年來她生日都是平淡地跟家人及好朋友渡過，不會大事慶祝，至於生日願望，最緊要是家人及自己身體健康，這已經足夠。