 放大圖片
■好難想像向佐曾是體重達240磅的肥仔。
原名向展平的向佐，加入演藝圈5年，以前拍的電影，多數是連名也沒有的路人甲乙。今次處男劇在《鐵馬尋橋》中飾演橫行霸道的大少爺榮萬鈞，姑且不論演技如何，但對向佐來說已是很大的突破。「2年前一個飯局，方姐（方逸華）問我想唔想拍電視劇，我話都想試下拍劇。事隔2年，某日陳志雲打電話畀我，話添哥新劇有個角色適合我做，叫我入TVB開會。我第一次個角色是有名，而且亦是第一次開拍前已經有劇本在手，比我好好咁去研究人物背景，那感覺好實在。好多人以為我是向華強個仔，會搵我工作。但我都聽過有導演兜口兜面同我講：『我點敢用你？點請得起你？你話我畀咩價你好？』大家一齊去試鏡，明明外形同個角色match，但最後都寧願揀第二個，唔揀我。所以每次有job我好珍惜，好多謝畀機會我的導演。」
提到今次拍劇，向佐變得滔滔不絕。「拍劇一拍三個月，好似一家人咁，日日一齊食飯，大家唔會你睇我唔起，我睇你唔起。拍電影就唔同，時間短，一埋位就拍，有時演員甲明明同演員乙有心病，戲中扮到好friend，不用埋位時卻零交流。阿爸講到明，唔會搵我拍中國星的戲，除非在外邊有口碑，證明自己在呢行有價值。今次拍完第一個劇已經有導演找我拍下一個劇，我只好一步一步自己做好些，口碑靠一個傳一個，做出成績。」
|
放大圖片
