 放大圖片
【本報訊】葉翠翠（見圖）、謝天華及陳爽昨日現身節目《今日VIP》，日前有雜誌報道緋聞情侶馬國明跟胡定欣的分手原因，是因為葉翠翠介紹胡定欣北上結識富商所致，報道又將翠翠升呢為「翠翠媽」。葉翠翠說：「我無睇，不過有朋友講過封面內容我知。」
翠翠大嚷對此報道一頭霧水，更為此跟律師商討過，不排除採取法律行動，因此不多作回應。問到她跟胡定欣是否相熟？她說：「唔熟的！我都係在電視機至見到佢。至於馬國明，都係最近拍《公主嫁到》先叫合作過，不過都係望佢都唔夠10秒。」談到若有好條件男士，會否不敢介紹給身邊好友，她說：「唔會囉！個報道根本就對我無影響。何況我都無朋友的，我需要人介紹朋友畀我就真。」
|
放大圖片
