張可頤「恨」生仔 搵中醫調理身體

放大圖片

　■張可頤擔任法國護膚品牌代言人，獲贈送兩樽金箔。

　【本報訊】（記者 梁靜儀）張可頤昨日到半島酒店出席法國護膚品牌RoC代言人簽約儀式，並獲送贈兩樽金箔。可頤自言用了該品牌多年，由於香港沒有專櫃，故每次都要托做空姐的妹妹幫她入貨，如今成為代言人有酬金之外，最開心是可以任用產品。入行多年的可頤，在港原來還是首次擔任護膚品代言人，這次她簽約一年，酬勞更令她相當之滿意，而最開心的還是可以任用該產品。問到可會介紹給男友？可頤指男友有自己一套護膚心得，每個人都不同，但她都會給予意見。

　病癒後的可頤近年不但學畫畫，近日又愛上攝影，更叫大家如果想睇她的作品，就在微博上關注她。問到男友是否其攝影對象？可頤卻說是其兩歲大的姨甥女，她笑言：「小朋友吸引D，籮柚仔好得意。小朋友對鏡頭無大人咁敏感，唔會迴避鏡頭。」她也可以自己生一個來影相？可頤直言見到得意的小朋友時，就會問自己為何不早十年生，覺得以前認為有小朋友是陀累是「諗多�驉v。記者提議她可以先生仔後結婚，可頤即搖頭說：「咁又唔得，我好傳統。（男友可知你的心意？）無刻意講，隨緣啦，要等上天安排。」可頤雖稱等個天安排，但就指自己的DNA仲很好，希望有下一代，如果年紀再大些才生會有危險，所以現時會睇中醫調理身體，及會朝著這個方向走。「恨」生仔「恨」到出口了。