青春o靚模「卜卜趣」 杜汶澤自嘲「虧」佬

放大圖片

　■許誠毅（左四）創出動畫人物「史力加」，杜汶澤和森美聲演香港版本，招徠幾位口o靚模捧場。

　【本報訊】（記者 梁靜儀）暑期動畫《史力加萬歲萬萬歲》電影發佈會昨日假九展Emax舉行，出席嘉賓有一手打造出史力加的動畫家許誠毅、聲演史力加的杜汶澤及聲演侏儒怪的森美，此外還有幾位o靚模。

　昨日天氣炎熱，但杜汶澤與森美及許誠毅三個男人卻穿上長袖衫，跟幾位穿得性感的o靚模相映成趣。阿澤自嘲踏入中年比較虧，有中年危機，不像o靚模「卜卜趣」。問到會否向近日被拍到睇中醫調理身體的森美請教？阿澤笑謂相信多飲水會有幫助。問到他結婚多年仍未生小朋友，可擔心被人懷疑生育能力？阿澤笑道：「通常人得兩種，一種是鍾意要小朋友，一種是不鍾意小朋友，我是第三種，未肯定自己鍾唔鍾意，所以暫時先玩別人的。」他又笑指太太田蕊妮最近同TVB行得比較「埋」，幾忙，每日他只見到老婆五至十分鐘，老婆又經常一副很眼�啋獐豸l，所以無謂滾搞她吧。阿澤又稱今次已是第三次為史力加配音，亦是最後一次，所以有點不捨。

o靚模聚集鬥性感

　昨日幾位o靚模都以一身性感打扮現身，其中以身穿藍色吊低裙谷胸上陣的A.Lin，及穿上白色低胸裙的DaDa最為性感，DaDa的「事業線」更十分養眼，對此她笑道：「無事業線唔緊要，最重要有事業。」問到一身性感打扮是否想來搶兩位男主角風頭？DaDa否認道：「唔係，他們各有長處，杜汶澤就可以一個人坐兩個位。（即是取笑他肥？）唔係，係健碩，森美就搞笑及係好男人。」同場還有她的師妹Betrys，二人同樣大騷「事業線」。問到工作可有被分薄？DaDa笑說：「如果有就打死經理人。」她透露前晚還在拍羅守耀的新片，戲中飾演殭屍，其中一場戲更要吊威�y，但由替身上陣，可是對方不慎撞埋牆。