 放大圖片
■曾志偉開火鍋店，不少圈中人捧場。
【本報訊】（記者 梁靜儀）曾志偉最近與Ricky San及米蘭站老闆Byron三人合資「板獎自家火鍋」，昨天舉行開幕大典，不少圈中人捧場，包括錢嘉樂、王祖藍、阮兆祥、江欣燕、葉翠翠、呂慧儀、洪天明、周家蔚、郭政鴻、張美妮等到賀，眾人更獲志偉頒發「好滾卡」，寓意他們與火鍋店一樣長滾長有。志偉表示今次個人投資了二百多萬，另外又開了兩間烏冬分店，總共投資了六、七百萬。問到何時回本？他笑言：「過兩日會回本。」投資有道的志偉，被問到是否每次投資都成功？他坦白說：「並非每次也成功，有些『陰陰乾』不見。」他又謂根據個人經驗，演藝人做生意最重要有好拍檔，而今次他對兩位拍檔都好有信心。問到以前曾合作做飲食的譚詠麟又是否好拍檔？志偉笑道：「佢係個好拍檔，佢好好運。(點解今次唔預阿倫？)佢嫌生意細，而家搞緊珠寶生意，但我就嫌大得滯唔敢做，而且我又唔興戴珠寶。」
呂慧儀做生意請教阿媽
昨日阿倫與阿叻兩位好友未見現身到賀，志偉指阿叻要跑馬，阿倫和克勤就去了新加坡做騷，所以未能出席。問到如何答謝一班來捧場的朋友？他表示會一人送一張免找數卡。問到是否終身有效？他瞪大眼笑道：「仲得了？一次半次好喇，仲要有限時，凌晨三點後用啦。」呂慧儀謂也有興趣做生意，因為本身愛吃零食，也有意開糖果店或零食店，如果真的開得成，定會向獎門人請教。記者指她識個有錢男友，叫男友打本便是。慧儀揚言會靠自己賺錢開店，這樣才會睇緊及努力做好盤生意。不少港姐都有男友打本做生意，她又可會羨慕？她聞言裝傻反問： 「係咩，邊個？她們本身都有本事理財，我就會請教阿媽先。」
|
放大圖片
