 放大圖片
■孫耀威暗示既然拍拖，便以結婚為目標。
翻看孫耀威的資料，其實也算成名得早。中文大學電腦系以二級榮譽畢業的他，參加校內創作歌曲大賽得了大獎，有機會到台灣參加「青春之星國際音樂大賽」，並取了優異獎，且吸引唱片公司垂青。1993年正式加入樂壇，一首《愛的故事（上集）》令他由台灣回流香港，卻在最紅時跑回內地拍劇。「自己很喜歡拍劇，出道初台灣公司唔畀我接，到滿約時，自己已迫不及待地拍劇。那6-7年間，我基本上每個地方停留不超過3個月，呢頭話你知在北京拍劇，轉個頭就人在上海，有時3個月在無錫。那段時間我常話自己是『冇腳的雀仔』。每個地方停留不超過3個月，自己個心覺得好孤獨，好冇安全感，根本不知道根在哪！最後決定趁後生，主動回香港扎根。我畀自己三年時間在港發展，其實今次呢隻碟是我和公司合約期內最後一隻碟。」
原本打算再次出走的孫耀威相信短時間內都不會離開，理由是因為他已經找到值得自己留下來生根的另一半陳美詩。訪問做於他親口承認拍拖之前，但看他春風滿面，有理由相信他說再離開香港到外闖，只係講下。「有記者問我，呢幾年在外面有冇拍拖，我只可以講我有遇到過值得發展的人，但個問題是點拍？我自己都唔知交邊一個地方的女朋友好？你教我有邊個女仔可以唔見男友3個月呀！有男朋友等於沒有，好難Keep住段感情。我今年37歲，早前阿媽不斷向我催婚，新碟中有《談分論嫁》一曲，是我對男女離離合合的看法，現時我會了解清楚對方，才開始一段關係，不輕言放棄。愛像潤滑劑，二人有愛，任何問題都可以解決，沒有了愛，不合拍的地方會擴大，找出分手的藉口。現代人選擇太多，古代的盲婚啞嫁，寬衣解帶，就是一生的承諾；現在選擇多了，離婚率反而更高。」
|
放大圖片
