 放大圖片
■楊千嬅對「世界盃」自嘆不如，覺得奶奶比她精通得多。
【本報訊】（記者 李思穎）世界盃正式開鑼，楊千嬅昨日出席活動時，透露自己甚少看「世界盃」賽事，反而奶奶比她更精通，非常了解當中賽事，至於老公丁子高也不是瘋狂球迷，千嬅大爆老公最留意是有關贊助產品，可說職業病發作。
甚少看世界盃的千嬅，早前接受關於世界盃專題的訪問時，便向奶奶取經，她形容這位新潮奶奶對世界盃相當認識，千嬅說:「佢同我講第一場是南非對墨西哥，講起來很有心水，奶奶並非睇靚仔球員，主要講實力，佢會同一班Uncle在卡拉OK房睇波，好新潮。」講到老公經常職業病上身，千嬅笑說他不是球迷，最喜歡是看電影，最叻是知道世界盃有哪一個贊助商，佢而家日日都講贊助商，好似撞鬼，佢連幫公司20周年紀念特刊影相都不忘手持贊助品，去睇《72家租客》又會數下當中有多少贊助產品。
千嬅和丁子高結婚後，今年將是他們首渡父親節，當日千嬅因在台灣錄音，希望盡量趕回港慶祝，要不然便將這責任交給老公，據千嬅所知，老公已經準備了父親節禮物，但千嬅不知道他買了什麼，千嬅說：「佢會係贊助商處買禮物，上次媽咪生日都係咁，如果我無時間都係佢幫手買禮物給父親，我自己會盡量抽時間選禮物，免得不合用，我都同佢講明如果是我生日，便不能在贊助商那裡買禮物。」
|
放大圖片
