 放大圖片
■房祖名搭著薛凱琪膊頭影相，還暗中伸出勝利手勢，你估他想暗示什麼呢？
【本報訊】（記者 梁靜儀）薛凱琪和房祖名昨日齊到商台為本月十六日上映的新片《分手說愛你》宣傳，問到薛凱琪可會叫緋聞男友捧場？薛凱琪並無回答。記者指成大個「正印」就坐在她隔籬，祖名即說：「睇咗啦，方大同藝術節當日睇咗啦，佢地好襯。」祖名又笑薛凱琪還有一名黑人緋聞男友，薛凱琪全程未有出聲反擊。之前有指薛凱琪被拍到與該名黑人緋聞男友行街時爆粗？薛凱琪否認有爆粗，又否認兩人正在拍拖，當日還有其他朋友同行。
近日曾國祥被指一腳踏四船，祖名聞言後竟以為是戲名，之後得知是指曾國祥時，他帶笑說：「咁犀利？講咋，唔係呀，唔知。」問到他可試過一腳踏幾船？祖名說：「最多兩隻腳，四隻腳好忙，會好辛苦，絕對唔可以咁多。」此時薛凱琪突然吐出一句：「佢最多三個。」祖名解釋當時還未正式拍拖，只在約會中，但很多女人都不容許。問到薛凱琪可接受男仔同時約會幾個女性？薛凱琪坦言不接受：「掉返轉頭都唔得啦，街市揀菜呀，揀完先追？揀定至追先尊重及特別。」說罷她即望著祖名說：「我唔係話你錯。」之後兩人合照，初時祖名顯得十分拘謹，及後才應記者要求用手指搭住薛凱琪膊頭影相，又無故擺出勝利手勢。
|
放大圖片
