 放大圖片
■陳慧琳長裙飄揚，時髦秀麗，她透露已為生第二個孩子作好準備。
【本報訊】（記者 梁靜儀）陳慧琳昨日以嘉賓身份出席「香港航空有限公司A330」啟航慶祝會，並獲贈「一世任飛」機票，一世免費任搭航班，陳慧琳希望老公及兒子都有贊助，可以一家三口遊埠。同場出席的還有財政司司長曾俊華、立法會議員謝偉俊及白韻琴。
香港航空有限公司為慶祝每周三班直飛莫斯科航班，昨日舉行啟航慶祝會，陳慧琳獲贈「一世任飛」機票，笑說：「好開心呀！最好贊助埋老公同兒子蝦餃仔，就算無贊助畀優惠價都好，一陣問下。」
陳慧琳表示「蝦餃仔」七個月大時，一家人曾往民丹島旅行，她笑道：「我抱住蝦餃仔坐，佢見到乜都舔，知道晒飛機係甚麼味，係落機時喊過，可能是氣壓問題。」陳慧琳謂由於是第一次一家三口遠行，雖然有工人同行但仍很狼狽。
為兒子推掉嬰兒廣告
張柏芝與兒子Lucas齊為電影唱主題曲，日前兩母子更一起出席電影宣傳活動，陳慧琳亦有睇報道，並大讚Lucas可愛。對於Lucas被指過度活躍，陳慧琳說：「小朋友係咁，咁至正常同得意呀。」問到她會否讓兒子開金口？陳慧琳卻指兒子沒有表演慾：「佢把口用匙羹撬都撬唔開，而且太細個不會說話，表演慾麻麻地，無咁精靈又好怕醜。」陳慧琳透露曾有嬰兒廣告斟兒子演出，但為怕兒子辛苦所以推辭了，而且老公也不想兒子亮相。
已為第二胎作好準備
蝦餃仔現時已十一個月大，之前發相大家都覺得他較似爸爸。陳慧琳聞言扁嘴說：「佢下巴似我，某D輪廓都似我。（似爸爸不好嗎？）都好，不過似我會開心D。」陳慧琳透露已為生第二個作好準備，希望追多個女湊成「好」字，並知道生女秘方是多食素，可是老公卻是「食肉獸」。
|
放大圖片
