 放大圖片
■杜宇航（左起）、陳嘉桓、張繼聰齊齊耍詠春，你估其中誰才是大師傅？
【本報訊】（記者 梁靜儀）由杜宇航飾演葉問的新片《葉問前傳》，昨日於商場舉行宣傳活動，大會並請來五十名詠春弟子示範詠春拳，吸引不少市民圍觀，會上杜宇航教觀眾打木人樁，新人陳嘉桓與唱主題曲的張繼聰就教觀眾擺詠春姿勢。
杜宇航透露出席活動之後，隨即要遠赴上海出席「上海電影頻道傳媒大獎頒獎禮」，影片除獲選為開幕電影外，他將角逐新人獎，問到可擔心外間拿他與甄子丹作比較？杜宇航說：「冇話驚唔驚，一定會有比較，我好用心製作呢部戲，今次又有師公葉準落場飾演其中一角。（甄子丹是全宇宙最好打，你點睇？）我係世界武術冠軍。（即是全世界最好打？）武術同電影圈世界是唔同的，自己在影圈仍是新人，不過三毛是我的偶像。」
陳嘉桓亦有份角逐新人獎，但她無暇出席，只好由杜宇航做代表，對於得獎，她笑道：「有份入圍已好開心，因為影片是唯一入圍的港產片，我特別睇好葉準有很大機會得『最佳男配角』獎。」
今日是父親節，張繼聰被問到如何慶祝父親節時，他笑謂會叫三歲兒子張瞻搵位飲茶。與家人同住的他，表示只要一家人聚在一起，行下街、睇下戲已好開心。
|
放大圖片
