 放大圖片
■鄭秀文接受新城訪問，推銷新碟是主題，至於「舊情復熾」傳說則已是老生常談。
【本報訊】（記者 梁靜儀）鄭秀文與舊愛許志安分手多年，縱使安仔已有圈外女友余德琳，但外間仍視兩人為一對，隨著去年底鄭秀文邀得安仔做個唱嘉賓後，兩人多次合作，舊情復熾的新聞便傳個不停，近日更有周刊指安仔閃電向鄭秀文求婚，昨日鄭秀文回應傳聞時，即收起「四萬」笑容，一臉正經的表示要為自己的表現負上責任，又重申不想跳入一段複雜的關係。
昨日鄭秀文到新城接受訪問，順道宣傳今日推出的《信者得愛》國語專輯。鄭秀文表示大碟每售出一隻就會撥兩元捐予慈善機構，首批唱碟更會附送一封她寫給歌迷的信，以及她在患抑鬱症時繪畫的圖畫，當中一幅更是裸女圖。鄭秀文自嘲說：「睇落都唔似我啦，咁立體，同我差好遠。」
整篇報道都係作的
談到近日有周刊封面大字標題指安仔閃電向她求婚，鄭秀文即收起笑容回應：「咁大件事，助手都有畀我睇，平時我就唔會幫襯，我而家唔笑，我一笑就誤會我話我甜蜜回應，所以我好正經咁講，大家無復合，現階段我睇唔到呢個（復合）可能性，亦無呢個打算。」鄭秀文指責整篇報道都是作出來的，他們只是一起去拍MV，咁彻又同班機而已。
之後她又說：「我都不會蒲，不會有私竇，一日單身一日都有這些新聞，現階段我唔會諗，我睇唔到我地會復合，我無笑，但不要話我黑面，我只是無表情。不過我都有責任，自己的表情都要注意下。」問到她與安仔的感情可有昇華？鄭秀文坦言全港市民都睇到他們的感情根基很好，大家也很珍惜現時的關係，至於將來就不敢講。
愛情來到唔會抗拒
在Fans眼中，鄭秀文與安仔始終是合襯的一對，說到余德琳被安仔的Fans攻擊，鄭秀文卻不以為然：「藝人拍拖，呢D事屢見不鮮，係有自己意願，我和他（安仔）都有自己意願，我真係答不到。」鄭秀文又有感而發說：「我年紀大，唔會選擇咁複雜的關係去involve（涉及），我諗會投入一段好清晰、一對一的關係。（會否減少見安仔？）又唔需要，見佢唔係好多，無必要去避。我現在講清楚立場，最好不要揣測太多，我現時三十八歲，有彻的人而愛情又來到都唔會抗拒，但唔會選擇咁複雜的環境跳入去。」
余文樂唔係我杯茶
問到可擔心緋聞會影響到安仔與女友的感情？鄭秀文說：「我？就憑我？我真係唔知，亦唔識答。」再問到之前傳與她譜出「姊弟戀」的余文樂，又是否她那杯茶？鄭秀文反應很激動的回應：「唔係我杯茶，唔係我碗飯，唔係我碗粥，唔好係單身就質畀我，好驚呀，十年呀，我接受唔到。」
|
