 放大圖片
【本報訊】（記者 植植）趙碩之(右)、尹蓁晞(左)及戴夢夢昨日化身熱浪逼人的「足球寶貝」出席「PS3遊戲 – 球皇盃揭幕禮」。眾人先試吹近期世界盃大熱的非洲長喇叭「vuvuzela」，最後居然只有趙碩之吹得響，威盡全場。趙碩之自言甚少半夜三更去酒吧睇波，通常留在家與屋企人及愛貓欣賞世界盃，她說：「不過在家睇波通常都專心唔倒，因為我好鍾意抱住隻貓睇，但佢又成日走嚟走去搞到我好難專心。」而且，今屆碩之最愛的碧咸不能出場，也令她興趣大減，她笑指：「如果有碧咸我會飛埋去南非睇！」最近工作忙碌的Yumi自言沒有時間陪男朋友睇波，她說：「今個禮拜我會陪男朋友睇波啦，今晚有英格蘭比賽，應該唔駛𠳓啦，我睇好英格蘭可以3比0勝出。」戴夢夢更自爆是標準球迷晚晚追看世界盃，最愛球隊是阿根廷及英格蘭，她笑指：「尋晚都睇到5點幾先𠳓，晚晚睇住咁多靚仔球星流晒口水呀！」
|
放大圖片
