 放大圖片
■古仔和吳彥祖獲贈「金槍」，十分威風。
【本報訊】（記者 梁靜儀）古天樂、吳彥祖（Daniel）、杜汶澤及林雪昨日全男班出席「皇室堡×《鎗王之王》王者英雄會」，為了拍戲要苦練拔槍姿勢的Daniel，被古仔及阿澤趁機大講有味笑話取笑。活動上四位演員除了跟Fans玩遊戲外，古仔與Daniel更獲英皇珠寶鐘錶董事總經理楊諾思送上特製金槍，古仔與Daniel拿着金槍擺甫士給傳媒影相，杜汶澤見狀大講有味笑話，他對着Daniel笑說：「你新婚，金槍寓意你『金槍不倒』，係咪好開心呢? 」Daniel聞言只懂尷尬地笑。
戲中眾人不乏動作場面，問到他們拍攝期間最難忘的一幕？古仔表示是Ending一場戲，因有很多打戲。阿澤就指是殺古仔那場戲最辛苦，估不到古仔如此命硬，殺極都不死。Daniel就說：「我單是練拔槍姿勢都練了兩個月，睇電視及睡覺都在練，老婆都睇到煩，就連家中隻狗見到都吠。」平日寡言的古仔就取笑他：「你拔乜出嚟？拔到你老婆煩。」
古仔將「金槍」珍藏
四人又被司儀問到心目中的女神，由於只得古仔未婚，其餘三人均異口同聲表示心目中女神是太座，但Daniel不忘自爆家有惡妻：「我老婆好惡。」古仔認為最重要是夾得來，相處得來。對於講不文笑話，古仔表示只是借機娛樂大家。問到他那把「金槍」又是否「金槍不倒」時？古仔卻避談說：「如果大會唔送給我，我都未必有得用，只是用來擺，多謝大家送畀我，我會珍藏，（珍藏到幾時？）唔知。」
問到古仔可有留意世界盃？他表示近日忙到無時間睇波，更遑論賭波。記者指他的生活很乏味？古仔不認同，又表示剛去了米蘭出席活動，也順道休息。他謂此行沒有艷遇，但有男人向他隔籬的女人單眼。笑問到又可有向別的女人單眼？古仔笑道：「我唔會喎，由朝做到晚，眼皮都垂了下來，發唔到電，有時間都行街買嘢畀阿媽。」
|
放大圖片
