 放大圖片
■15位「港姐」佳麗較量排球，結果由9-15號一組勝出，捧獎而歸。
——15候選「港姐」排球友誼賽
【本報訊】（記者 梁靜儀）十五位應屆候選港姐昨日到培正中學進行一場排球友誼賽，經過一輪比賽後，由排球好手10號馬鈞怡力壓「搶波王」12號湯寶珍，獲得「突出表現佳麗」獎；湯寶珍則否認自己搶波打，表示因隊友球技弱自己才幫手，而15號張秀文及8號彭慧中卻有姿勢無實際，前者更慘食「波餅」。
昨日十五位佳麗分成兩隊落場比賽，10號馬鈞怡因有九年打排球經驗，打波時有姿勢又有實際，12號湯寶珍則經常出現搶波打情況，經過一輪比賽，最後由9-15號一組勝出，其中10號馬鈞怡更獲頒「突出表現佳麗」獎，排球隊導師鄭景亮給她的評語並非因她的技術取勝，而是她會畀機會其他佳麗去打，發球時又用下手開波，連對手也照顧到。
已有九年打排球經驗
馬鈞怡表示由十五歲開始打排球，至今已打了九年，雖然打排球會令腿部變得粗壯，但她不介意，因覺得那是健康美，對於得獎她感到又驚又喜，因事前不知道會設有獎項。問到可覺得有隊友搶波打？她說：「唔覺得，想個個都有機會掂下（個波）。」
15號張秀文接球時不慎餵自己「食波餅」，痛得按著鼻子，並即時出場休息，被問到「食波餅」時，她尷尬地解釋：「因為經常食波餅，所以好驚波，所有球類都唔敢玩。」
8號彭慧中打排球時多球落空，她表示很少打排球，最愛是游水曬太陽。
「搶波王」唔識球例
12號湯寶珍對於被指為「搶波王」，她解釋純粹自己很鍾意打波，但又唔識球例。說到她如此「落力」都敗給10號馬鈞怡？她說：「佢得獎實至名歸。」有傳她之前在角逐「才藝表演」時原本想跳印度舞，但因太過性感被否決，要她改煮愛心早餐，她承認有試過舞衣，當問到是否舞衣很性感才被否決？她答非所問：「我應該表達唔到性感，煮早餐更適合我，D仔都話好香，我好開心。」
|
放大圖片
