阿倫《欠了你》唱盡父母心

放大圖片

　■譚詠麟演唱聲情並茂，加添親切感。彭子文 攝

　【本報訊】（記者 梁靜儀）「譚詠麟2010再度感動香港演唱會」前晚於紅館開鑼，有愛兒譚曉風撐場的阿倫，心情靚爆，更憑歌寄意，首場更唱至近凌晨十二點，被罰款五萬元亦笑騎騎，但就無意打破陳奕迅的紀錄。

　阿倫在演唱會上唱了超過35首歌，其間阿倫讀出一封歌迷寄到電台點唱的信，內容講及父母因照顧小孩而失去私人時間，已為人父的他亦表認同，此時台下一名男觀眾大叫：「你都慣啦。」阿倫隨即笑罵：「多事！大人講�炰虒繾囍n多事……其實細路生出來好似欠�鼳，所以仔女大�鱄n識做，孝順父母。」之後唱出《欠了你》。

唱「甩嘴」不忘自嘲

　當晚除了請來雷有暉和鄧健明合唱《此刻妳在何處》外，又邀得Mr.擔任嘉賓，主音歌手Alan在「安歌」時更走到台前與校長合唱《雨絲情愁》，大受歌迷歡迎。在「安歌」環節，觀眾又點唱《半夢半醒》，經常忘歌詞的阿倫卻唱「甩嘴」，全場報以噓聲，他卻笑說：「咩事呀，係咪要掟蕉皮？好似立法會咁，依家係咪唔錯得呀？」怎料再唱依然唱「甩嘴」，之後再唱才成功，阿倫不忘自嘲：「我都諗點解冇唱錯歌詞，好似演唔出水準，現在終於演出水準，呢個係指定環節。」由於歌迷反應熱烈，阿倫一而再「安歌」，最後唱到11點59分才完騷。阿倫人意猶未盡帶著興奮心情說：「好開心，夫復何求呢！咁耐以來Fans支持到依家。」最後唱罷《高低一起》才正式謝幕，臨走前又向觀眾大派飛吻。

首場超時被罰款五萬

　完騷後，阿倫接受訪問，對於首場超時被罰款五萬元，他仍笑騎騎說：「第一場已經搞成咁，唔知，唔理啦。（�陽A歌酬度扣？）扣錢唔緊要，再咁落去，同事雙糧有影響，好大壓力呀。」年初陳奕迅個唱尾場唱至近凌晨1點才曲終人散，問到阿倫尾場又會否打破陳奕迅的紀錄？他即「得戚」地說：「我當年都唱到1點25分�飽A兩個幾鐘的騷，『安歌』都三個鐘，不過唔使罰錢，依家一定唔會啦。」他又稱其實已cut了幾首歌。

　問到《欠了你》是否為兒子而唱？他初時避答，幾經追問才表示是送給天下父母，又指每個父母都想子女錫自己多些。當問到曉風當晚可有當觀眾？阿倫大方承認兒子有來睇騷，但就「得戚」地指大家一定搵唔到他。至於唱「甩嘴」，阿倫就解釋因以往登台演唱《半夢半醒》有另一個短版本，他記錯另一版本才會唱「甩嘴」，但強調國語部分並沒有「甩嘴」，有錯一定會認。