 放大圖片
■鄺美雲現身書展，推介新書《雲觀世界》。
【本報訊】（記者 梁靜儀）一連七日的書展昨日正式開鑼，不少藝人在書展現身，包括鄺美雲、英皇高層霍汶希、 黃宗澤、傅穎等。
今年同時推出寫真兼散文繪本的傅穎，昨晨成為首位現身書展的藝人，傅穎更獲安排在「君爵廳」為書迷簽名。為了力谷新書，她全日分上下兩套衫連走四場，其中一套更是透視裝，誓要揮低同場一眾o靚模。 傅穎在上午10時多已到達攤位，排首位的Fans更一口氣豪花過千元買了30本傅穎的新書，令傅穎大為高興，並大讚Fans夠忠心。她說：「昨晚話3號風球，不過Fans話上年9號風球都照來，他們都通宵排隊，每年都好熱心，所以我都好開心！」下午傅穎再換上另一套透視裝出席《如果你是我》簽名會，現場有近70位Fans排隊，而大會共派發600個籌，簽足兩個小時才離開。
新書希望傳遞正面訊息
鄺美雲昨日在保鏢陪同下現身書展，為自己的新書《雲觀世界》宣傳，頸上戴了鑲鑽玉石吊墜的她，被問到可怕人多混亂？她答道：「唔怕，唔怕。」鄺美雲又稱新書已是第二集，而第一集更已加推簡體版，供內地學生及學校作教材。她謂推出新書是希望透過正面訊息為大家加油，令人有得著，讓大家有一個正面人生。問到Cally會否送新書給前夫呂良偉？她笑道: 「唔話你知，本新書我落了很多功夫，自己好盡責做校對，我知（記者）要交差，但唔想轉移重心，忽略了我用心寫書！」
廚藝泊得住「阿一鮑魚」
問到她可有興趣買o靚模寫真？鄺美雲大方地說：「係咩人就出咩書，係咩人就買咩書，各有各做，正如動漫影展就漫畫，五花八門。」英皇高層霍汶希昨日偕同公司旗下藝人詩雅到書展，為個人首次推出的食譜《Mani's Kitchen》造勢。霍汶希自言最拿手整鮑魚，吃過的朋友都指她的手勢泊得住「阿一鮑魚」。對於與o靚模對撼，霍汶希笑稱：「我撼唔到，我都無事業線。」說罷又指住身旁的詩雅說：「你都無，所以要靠演技。」詩雅笑道：「我唔敢。」問到詩雅可會趁青春留倩影？霍汶希代她回答：「我想等佢韻味多D先，現在D人尺度太大膽，日日波光劍影，其實無所謂，各主其位，只要佢地覺得值得就OK。」
|
放大圖片
